आरंभी जंगलात बिबट्या हल्यात गाय ठार, नागरिक भयभीत….

पॉलिटिक्स स्पेशल लाईव्ह
दिग्रस :- तालुक्यातील शेवटच्या टोकावर असलेल्या झिरपुरवाडी गावातील गायीचे खांड आरंभी जंगलातून परत येताना बिबट्या ने गायीचा नरडीचा घोट घेऊन ठार केले.
शेतकरी गजानन मगु पवार यांची गाय होती.आरंभी ते खेड रस्त्याच्या कडेला पाणी पिण्यासाठी गेली असता दबा धरून बसलेल्या बिबट्याने गायीला ठार केल्याची घटना गुरुवारी ५.३० दरम्यान घडली. नागरिकांमध्ये भिंती वातावरण निर्माण झाले. गायीच्या हंबरड्याचा आवाजाने हाकेच्या अंतरावर असलेल्या गुराखी विठ्ठल डहाणे यांनी घटनास्थळी धाव घेतली असता बिबट्याने गायीला ठार केल्याचे पाहिले. वनरक्षक सुशील गुरनुले घटना स्थळी पंचनामा करून शेतकरी गजानन पवार व चौकीदार शरद पवार यांच्या समक्ष गायीचे दफन करण्यात आले. सदर घटनेची माहिती तहसीलदार प्रविण धानोरकर, वनपरिक्षेत्र अधिकारी अजय राऊत, यांना सरपंच पुरुषोत्तम कुडवे यांनी दिली.

आरंभी,झिरपुरवाडी जंगलात बिबट्या ने गाय ठार केल्याची घटनेमुळे नागरिकांमध्ये भिंती चे वातावरण निर्माण झाले. त्यामुळे कोणाचीही जिवीत हाणी होऊ नये. परिसरातील शेतकरी, शेतमंजुर, महिला व गुराख्यानी सतर्क राहावे.
पुरुषोत्तम कुडवे
सरपंच झिरपुरवाडी