पारंपरिक आहेर न स्विकारता,धरतीला हिरवा शालू नेसवून लग्न सोहळा संपन्न…..

पॉलिटिक्स स्पेशल लाईव्ह
पुसद :- निसर्गाचा ढासळता समतोल राखण्यासाठी आपल्या मुलाच्या लग्नापूर्वी पारंपारिक आहेर न स्वीकारता नातेवाईक व मित्रमंडळी व सामाजिक संघटने कडून एका वृक्षाच्या आहेराची मागणी करून सामाजिक व पर्यावरणा विषयी कार्य करणाऱ्या शिवप्रभा ट्रस्ट पुणेचे कोषाध्यक्ष परशराम नरवाडे यांनी केली, या लग्नसोहळ्या करिता जवळपास दीडशे झाडांचा आहेर सौ संगिता व परशराम नरवाडे या दाम्पत्याचा मुलगा सोहम व उमररखेड तालुक्यातील बारा येथील सौ वंदना व जनार्दन काळे यांची सुकन्या शिवानी काळे यांचा विवाह मोठ्या उत्साहात पार पडला, लग्न म्हटले की लग्नपत्रिका,मंगल कार्यालय, डीजे, फटाके,हा वायफळ खर्च न करता, नातेवाईक व सामाजिक क्षेत्रात कार्य करणाऱ्या संघटनाना आहेर न आणता, दहा ते पंधरा फुटाचे झाड व त्याला लागणारा खर्च असे एकूण एक हजार रुपये आहेर म्हणून घेऊन, हा आगळा वेगळा लग्न सोहळा मोठ्या उत्साहात नरवाडे यांच्या घरी मायभवन पुसद येथे पार पडला या लग्नाचे सर्वत्र कौतुक होत आहे.