काँग्रेस संसदीय पक्षाची आज सोनिया गांधी यांच्या निवासस्थानी महत्त्वाची बैठक….

पॉलिटिक्स स्पेशल लाईव्ह
नवी दिल्ली :-  काँग्रेस संसदीय पक्षाची आज सकाळी 10.30 वाजता महत्त्वाची बैठक होणार आहे. संसदेतील अर्थसंकल्पीय अधिवेशनाचे दुसरे सत्र सुरू होण्यापूर्वी पक्षाची ही महत्त्वाची बैठक होणार असून त्यात पक्षाच्या रणनीतीवर चर्चा होणार आहे.
या बैठकीच्या अध्यक्षस्थानी सोनिया गांधी असतील. सोनिया गांधी यांच्या जनपथ येथील निवासस्थानी ही बैठक होणार आहे. काँग्रेस कार्यकारिणीच्या बैठकीपूर्वी सीपीपीची ही बैठक होत आहे. कार्यकारिणीची बैठकही आज होणार होती मात्र ती उद्यावर ढकलण्यात आली आहे. कार्यकारिणीच्या बैठकीत पाच राज्यांतील पक्षाच्या निराशाजनक कामगिरीवर चर्चा आणि विचारमंथन होणार आहे. सोमवारी दुपारी चार वाजता ही बैठक होणार आहे. 2020 मध्ये काँग्रेसच्या G-23 नेत्यांची बैठक झाली, ज्यामध्ये निवडणुकांसह प्रत्येक स्तरावर प्रमुख सुधारणांवर चर्चा झाली. काँग्रेसचे ज्येष्ठ नेते गुलाम नबी आझाद यांनी ही बैठक घेतलेली. आता पुन्हा एकदा या नेत्यांची शुक्रवारी गुलाम नबी आझाद यांच्या घरी बैठक होणार आहे. सूत्रांच्या माहितीनुसार, हे नेते पुन्हा एकदा कार्यकारिणीच्या बैठकीत मोठे बदल करण्याची मागणी करणार आहेत. गुलाम नबी आझाद यांच्या सभेत काँग्रेस नेते भूपिंदर सिंग हुड्डा, मनीष तिवारी, कपिल सिब्बल, आनंद शर्मा, अखिलेश प्रसाद सहभागी झाले होते. पाच राज्यांमध्ये काँग्रेसची ज्या प्रकारे निराशा झाली, त्यानंतर काँग्रेस पक्षाच्या अडचणीत वाढ झाली आहे. पाच राज्यांतील निवडणूक निकालानंतर काँग्रेस पक्षाच्या २०२४ च्या तयारीला मोठा झटका बसला आहे. त्यामुळे कार्यकारिणीच्या बैठकीत पक्षांतर्गत आवाज उठवण्याची अटकळ बांधली जात आहे. पंजाबमध्ये आम आदमी पक्षाने ज्या प्रकारे दणदणीत विजय नोंदवला आहे, त्यामुळे काँग्रेसच्या हातून आणखी एक मोठे राज्य गेले आहे, हा पक्षासाठी मोठा धक्का आहे. अर्थसंकल्पीय अधिवेशनाचा दुसरा टप्पा 8 एप्रिल रोजी संपेल, पहिला भाग 13 जानेवारीला सुरू झाला आणि 11 फेब्रुवारीला संपला.