खासदार संजय राऊत यांच्या वादग्रस्त वक्तव्याविरोधात तक्रार….
पॉलिटिक्स स्पेशल लाईव्ह
मुंबई :- शिवसेना ठाकरे गटाचे नेते खासदार संजय राऊत यांनी अहमदनगर येथील जाहीर सभेत पंतप्रधान नरेंद्र मोदी यांना महाराष्ट्राच्या मातीत दफन करण्याची दिलेली धमकी ही प्रक्षोभक, बेजबाबदार, सामाजिक तेढ निर्माण करणारी आहे.
या संदर्भात राऊत यांच्याविरोधात अंबड पोलिस ठाण्यात भारतीय जनता पक्षाचे प्रदेश प्रवक्ते प्रदीप पेशकार यांनी तक्रार अर्ज दिला आहे.
खासदार राऊत यांनी त्यांच्या भाषणात पंतप्रधान मोदी आणि औरंगजेब यांच्यात त्यांच्या जन्मस्थानावर आधारित ऐतिहासिक समांतरे काढण्याचा प्रयत्न दिशाभूल करणारा आणि फूट पाडणारा आहे. अशा वक्तव्यामुळे जातीय तणाव निर्माण होण्याची आणि निवडणुकांच्या शांततेत अडथळा निर्माण होण्याची शक्यता आहे.
राऊत यांचे पंतप्रधानांच्या विरोधातील विधान मुक्त आणि निष्पक्ष निवडणुकांच्या तत्त्वाच्या विरोधात आहे, हे उघड आहे.
या प्रकरणावर त्वरित कारवाई करणे अत्यावश्यक असल्याचा तक्रार अर्ज त्यांनी अंबड पोलिस ठाण्याचे वरिष्ठ पोलिस निरीक्षक दिलीप ठाकूर यांच्याकडे दिला आहे.
या वेळी जगन पाटील, अविनाश पाटील, रवींद्र पाटील, प्रवीण मोरे, प्रकाश चकोर, यशवंत नेरकर, श्री. रजपूत, दिनेश मोडक आदी उपस्थित होते.