काँग्रेसचे नेते बाळासाहेब थोरात यांना गंभीर दुखापत ; उपचारासाठी रुग्णालयात दाखल…..
पॉलिटिक्स स्पेशल लाईव्ह
मुंबई :- काँग्रेसचे ज्येष्ठ नेते व माजी प्रदेशाध्यक्ष बाळासाहेब थोरात यांना गंभीर दुखापत झाल्याने त्यांना इंदिरा गांधी शासकीय वैद्यकीय महाविद्यालय (मेयो) येथे हलविण्यात आले. बाळासाहेब थोरात मॉर्निंग वॉकला गेले असताना हा अपघात झाल्याची माहिती समोर आली असून त्यांच्या डाव्या खांद्याला दुखापत झाली आहे.
प्राथमिक तपासणीनंतर दुखापत अधिक असल्याचे लक्षात आल्याने त्यांना उपचार साठी तातडीने मुंबईत शिफ्ट करण्यात आले आहे.
मिळालेल्या माहितीनूसार, बाळासाहेब थोरात आज सकाळी 6 वाजता सिव्हील लाइन भागात वॉक करत असताना पाय घसरून पडले. यात त्यांचा हात फ्रॅक्चर झाला. त्यांना तातडीने मेयो रुग्णालयात उपचाराकरिता हलविण्यात आले. त्यापूर्वी त्यांना अधिवेशनासाठी तैनात केलेल्या वैद्यकीय अधिकाऱ्यांनी तपासले होते. मेयो येथे उपचारानंतर त्यांना पुढील उपचाराकरिता मुंबईला हलविण्यात आल्य़ाचे डॉक्टरांकडून सांगण्यात आले आहे.