सक्शन मशीन बंद असल्याने रुग्णाची होत आहे हेडसांड ; दिग्रस ग्रामिण रुग्णालयातील प्रकार ; प्रहार जनशक्ती पक्षाच्या वतीने निवेदन सादर….

पॉलिटिक्स स्पेशल लाईव्ह
दिग्रस :- दिग्रस ग्रामीण रुग्णालयातील सक्शन मशीन बंद असल्याने विष प्राशन करणाऱ्या रुग्णाची हेडसांड होत असल्याची बाब प्रहार जनशक्ती पक्षाचे युवा तालुकाध्यक्ष धीरज आडे यांच्या निदर्शनास आल्याने त्यांनी याबाबत वैद्यकीय अधिकारी डॉ. अभय गोंविदवार यांना दि.१४ डिसेंबर २०२२ रोजी लेखी निवेदन देऊन सक्शन मशीन त्वरित सुरू करावी अन्यथा तीव्र आंदोलन छेडण्यात येईल असा इशारा दिला आहे.

ग्रामिण रुग्णालय दिग्रस येथे आज दि.१४ डिसेंबर रोजी वरंदळी या गावातील विष प्राशन केलेला रुग्ण गंभीर अवस्थेत उपचारासाठी आला असता ग्रामीण रुग्णालयातील सक्शन मशीन बंद असल्याने त्या रुग्णांना उपचारासाठी यवतमाळ शासकीय रुग्णालयात हलविण्यात आले. ही बाब गंभीर असून सक्शन मशीन त्वरित सुरू करावी अन्यथा तीव्र आंदोलन छेडण्यात येईल असा इशारा वैद्यकीय अधीक्षक यांना निवेदनातून प्रहार जनशक्तीच्या वतीने देण्यात आला.

निवेदन देतेवेळी प्रहार जनशक्ती युवा तालुकाध्यक्ष धीरज आडे, सागर दुर्गे, तुकाराम राठोड, रुषभ आमटे, अमर मोरे, अंकित गायकवाड आदी उपस्थित होते.