राज्यपालांनंतर आता उद्धव ठाकरे यांनाही कोरोनाची लागण…..
पॉलिटिक्स स्पेशल लाईव्ह
मुंबई :- शिवसेना नेते एकनाथ शिंदे यांच्या बंडाने राजकीय संघर्ष पाहायला मिळत आहे. एकीकडे राज्यातील राजकारणांच्या घडामोडींना प्रचंड वेग आला असून राज्यपाल भगतसिंह कोश्यारी यांना कोरोनाची लागण झाली आहे.
राज्यपालांना रिलायन्स रुग्णालयात दाखल करण्यात आलं आहे. त्यामुळे राजकारणात मोठी चर्चा रंगली असतानाच आता मुख्यमंत्री उद्धव ठाकरे यांना देखील कोरोनाची लागण झाल्याची माहिती समोर आली आहे.
माध्यमांशी बोलताना काँग्रेस प्रदेशाध्यक्ष नाना पटोले यांनी उद्धव ठाकरे यांना कोरोनाची लागण झाल्याची माहिती दिली आहे. उद्धव ठाकरे यांना जरी कोरोनाची लागण झाली असली तरी त्यांची प्रकृती ठीक आहे. काँग्रेस नेते कमलनाथ यांच्याशी त्यांचं बोलणं झालं आहे, अशी माहिती देखील पटोले यांनी दिली आहे.
नाना पटोले म्हणाले, ‘मुख्यमंत्री उद्धव ठाकरे यांना आज सकाळी कोरोनाची लागण झाली आहेत. त्यांनी आताच कमलनाथ यांच्याशी चर्चा केली. आज दुपारी होणाऱ्या मंत्रिमंडळाच्या बैठकीत ते व्हर्च्युअली सहभागी होतील. विधानसभा बरखास्तीचा कोणताही विचार नाही, पूर्ण ताकदीने सरकार चालवणार,’ असं मुख्यमंत्र्यांनी आम्हाला सांगितलं असल्याचंही ते म्हणाले.