MPSC साठी लागा तयारीला…! ‘इतक्या’ पदांसाठी जाहिरात झाली प्रसिद्ध….

पॉलिटिक्स स्पेशल लाईव्ह
मुंबई :- महाराष्ट्र लोकसेवा आयोगामार्फत सरळसेवेच्या विविध 5 संवर्गाच्या पदभरतीकरिता जाहिरात प्रसिद्ध करण्यात आली आहे. MPSC च्या अधिकृत ट्विटर हँडलवरू ट्विट करत याबद्दल माहिती देण्यात आली आहे.
दरम्यान अर्ज करण्याची पद्धत, प्रवर्गनिहाय तपशील, आवश्यक अर्हता, वयोमर्यादा, आरक्षण, शुल्क, निवडीची सर्वसाधारण प्रक्रिया, इत्यादीबाबतच्या सविस्तर तपशीलासाठी आयोगाच्या https://mpsc.gov.in तसेच https://mpsconline.gov.in या संकेतस्थळावर उपलब्ध करुन देण्यात आलेल्या माहितीचे तसेच सविस्तर जाहिरात वाचावी असे आयोगाकडून सांगण्यात आले आहे.
अर्ज कधीपर्यंत करता येतील?
उमेदवारांना ऑनलाईन अर्ज https://mpsconline.gov.in या संकेतस्थळाद्वारे दिनांक २५ ऑक्टोबर, २०२२ ते दिनांक १४ नोव्हेंबर, २०२२ या कालावधीत सादर करणे आवश्यक राहील.
आयोगाच्या https://mpsc.gov.in तसेच https://mpsconline.gov.in या संकेतस्थळावर प्रसिध्द करण्यात आलेली माहिती व जाहिरात अधिकृत समजण्यात येईल असे आयोगाकडून सांगण्यात आले आहे.

महाराष्ट्र लोकसेवा आयोगामार्फत खालील संवर्गातील पद भरतीसाठी ऑनलाईन पध्दतीने अर्ज मागविण्यात येत आहेत:
वरिष्ठ भूवैज्ञानिक, गट-अ, भूविज्ञान व खनिकर्म संचालनालय, नागपूर -०७ पदे
कार्यकारी अभियंता (विद्युत), महाराष्ट्र विद्युत अभियांत्रिकी सेवा, गट-अ – ०३ पदे
अधीक्षक व तत्सम पदे, सामान्य राज्य सेवा, गट-ब [ प्रशासन शाखा ] – ६५ पदे
औषधी निर्माता महाराष्ट्र आयुर्वेदिक सेवा, गट-ब आयुष संचालनालय, मुंबई- ०१ पद
सहायक (विधि), गट-ब (अराजपत्रित) -१२ पदे