अंधेरी पोटनिवडणुकीपूर्वी उद्धव ठाकरेंना धक्का, ठाकरे गटातील नेता भाजपच्या गळाला….

पॉलिटिक्स स्पेशल लाईव्ह
मुंबई :- अंधेरी पूर्व विधानसभा निवडणुकीसाठी उमेदवारी अर्ज दाखल करण्याचा आजचा शेवटचा दिवस आहे. या निवडणुकीत शिवसेना (उद्धव बाळासाहेब ठाकरे) कडून ऋतुजा लटके यांनी उमेदवारी अर्ज दाखल केला आहे.
तर भाजपकडून मुरजी पटेल यांना उमेदवारी देण्यात आली आहे. त्यामुळे या निवडणुकीत मशाल विरुद्ध कमळ अशी लढत पहायला मिळणार आहे. दोन्ही पक्षांनी ही निवडणूक प्रतिष्ठेची केली आहे. मात्र, या निवडणुकीपूर्वी भाजपने उद्धव ठाकरेंना एक मोठा धक्का दिला आहे.
शिवसेनेचे युवा नेते अवधूत तटकरे यांनी ठाकरेंना जय महाराष्ट्र करत भाजपचं कमळ हाती घेतलं आहे. भाजपचे प्रदेशाध्यक्ष चंद्रशेखर बावनकुळे यांच्या उपस्थितीत अवधूत तटकरे यांनी मुंबईत भाजपचा झेंडा हाती घेतला आहे. भाजपमध्ये प्रवेश केल्यावर अवधूत तटकरे यांनी प्रतिक्रिया देत म्हटलं, “माझ्या कार्यकर्त्यांसोबत चर्चा केल्यावर भाजपमध्ये प्रवेश करण्याचा निर्णय घेतला. निर्णय घेण्याचं एकच कारण म्हणजे देशात असलेलं पंतप्रधान मोदींचं नेतृत्व आणि राज्यात नव्याने आलेलं सरकार हे राज्याला प्रगतीपथावर नेत आहे. भाजपची रायगड जिल्ह्यात वाढ कशी होईल यासाठी आम्ही प्रयत्नशील राहील. भाजपत प्रवेशासाठी माझ्यावर कोणताही दबाव नव्हता. कोणत्याही पदाची मी अपेक्षा केली नाहीये मात्र, संघटनेत जी काही जबाबदारी देण्यात येईल ती मी पार पाडेल.”
भाजपचे प्रदेशाध्यक्ष चंद्रशेखर बावनकुळे यांनी म्हटलं, “चार नगरसेवकांनी भाजपत प्रवेश केला आहे. त्यासोबतच उद्धव ठाकरे यांच्यासोबत असलेले अवधूत तटकरे यांनीही भाजपत प्रवेश केला. अवधूत तटकरे हे कोकणातील चांगले नेतृत्व आहे. त्यांच्या पक्षप्रवेशामुळे कोकणात, रायगड जिल्ह्यात पक्षाला मजबुती देण्याचं काम अवधूत तटकरे यांच्या माध्यमातून होईल.”

अवधूत तटकरे यांचा अल्प परिचय….