अवघ्या सात वर्षाच्या “आहील” ने केले 30 रोजे पूर्ण…..

पॉलिटिक्स स्पेशल लाईव्ह
अनिल बोम्पीलवार
हिवरा संगम :- मुस्लिम समाजात रमजान महिना हा अतिशय पवित्र समजल्या जातो या महिन्याला एक अनन्यसाधारण महत्त्व सुध्दा आहे. या रमजान महिन्यात या समाजातील मुस्लिम धर्मीय अतिशय अवघड समजले जाणारेअसे रोजे अर्थातच उपवास करतात. या उपवासा दरम्यान त्यांना दिवसभर पाणी सुद्धा वर्ज्य असते. अशा तप्त उन्हाळ्यात अक्षरशा अंगाची लाहीलाही होत असताना 45 ते 47 डिग्री तापमान असतानादेखील हिवरा येथील अवघ्या सात वर्षाच्या आहिल वसीम सुरय्या या मुलाने हे अतिशय अवघड असलेले या महिन्यातील तीस रोजे पूर्ण केले आहे. हिवरा येथील प्रसिद्ध धान्य व्यापारी श्री शफी हबीब सुरय्या यांचा तो नातू आहे. अतिशय कमी वयात अगदी सहजपणे अतिशय अवघड समजले जाणारे हे 30 रोजे पूर्ण केल्याबद्दल व त्याच्या धार्मिक वृत्तीबद्दल आहिल, चे त्याच्या समाजात व गावात कौतुक होत आहे.