भरदिवसा पेट्रोल पंपावर दरोडा ; पैश्याची बॅग हिस्कावली ; महागाव तालुक्यातील घटना

पॉलिटिक्स स्पेशल लाईव्ह
महागाव :

तालुक्यातील खडका येथे नव्याने सुरू झालेल्या इंडीयन ऑईल कंपनीच्या श्री दत्ता पेट्रोलियम या पंपावर भरदिवसा दरोडा टाकण्यात आला.दरम्यान रोकड असलेली बॅग घेवून बंदूकधारी दरोडेखोर पसार झाले आहेत. ही घटना आज दुपारी साडेतीनच्या सुमारास घडली आहे.
मिळालेल्या प्राप्त माहितीनुसार ,

पेट्रोल पंपावर तीन बंदूकधारी युवक आले.
त्यांनी पेट्रोल टाकण्याच्या बहाण्याने दुचाकित पेट्रोल भरले.पैश्याची मागणी केली असताना पेट्रोल पंपावरील नोकराला बंदुकचा धाक दाखवून नगदी रोकड असलेली बॅग हिस्कावत दरोडेखोर पसार झाले. सदर बॅग मध्ये ५० हजार रुपयांची नगदी रोकड असल्याचे सांगण्यात येत आहे.घटनेची माहिती पोलिसांना देण्यात आली असून पोलिसांनी नाकाबंदी सुरू केली आहे.पेट्रोल पंपावर टाकण्यात आलेल्या दरोड्यातील दरोडेखोरांची संख्या तीन असल्याची सांगण्यात येत असून दरोडा टाकल्यानंतर दरोडेखोर महागाव च्या दिशेने पसार झाल्याची प्राथमिक माहिती समोर आली आहे.