मासे पकडायला गेले अन् ते परतलेच नाहीत ; तिघांवर काळाने घातला घाला…..

पॉलिटिक्स स्पेशल लाईव्ह
अमरावती :- नदीमध्ये मासोळ्या पकडण्यासाठी टाकलेलं जाळे काढण्यासाठी गेलेले तिन मच्छिमार पाण्यात बुडाल्याची दुर्दैवी घटना. अमरावती जिल्ह्यातील तिवसा तालुक्यातून वाहणाऱ्या पिंगळाई नदीमध्ये तारखेड येथे घडली आहे.
यापैकी सायंकाळपर्यंत दोघांचे मृतदेह सापडले तर एका तरुणाचा शोध सुरू आहे. पंकज मेश्राम वय १९ वर्ष व अनिकेत मेश्राम वय १८ वर्ष या दोघांचे मृतदेह सापडले असून, बाळू नांदने वय २६ वर्ष या मच्छिमाराचा शोध नदीपात्रात सुरू आहे.
मिळालेल्या माहितीनुसार, तिघेही युवक मच्छीमार पिंगळाई नदीत मासोळ्या पकडण्यासाठी टाकलेले जाळे काढण्यासाठी गेले असता त्यांचा नदीत बुडून मृत्यू झाला आहे. हे तीनही मच्छीमार तिवसा तालुक्यातील तारखेड येथील रहिवासी आहेत.
दरम्यान, हे मच्छिमार बुडाल्याची माहिती मिळताच जिल्हा शोध व बचाव पथकाने रेस्क्यू करून तीन तासातचं दोघांचे मृतदेह काही अंतरावर शोधून काढले. मात्र, बाळू नांदने याचा शोध लागला नसून रात्र झाल्याने शोध मोहीम थांबवली उद्या सकाळी बाळूचा मृतदेह शोधण्यात येणार आहेत.