सिल्व्हर ओक हल्ल्या प्रकरणात सदावर्ते यांच्यासह 115 एसटी कार्यकर्त्यांना जामीन मंजूर….

पॉलिटिक्स स्पेशल लाईव्ह
मुंबई :- राष्ट्रवादी काँग्रेसचे अध्यक्ष शरद पवार यांच्या मुंबईतील सिल्व्हर ओक बंगल्यावर झालेल्या हल्ल्याप्रकरणी गुणरत्न सदावर्ते यांच्यासह 115 एसटी कार्यकर्त्यांना जामीन मंजूर करण्यात आला आहे.
शुक्रवारी या प्रकरणावर सुनावणी करताना मुंबई सत्र न्यायालयाने सदावर्त यांच्यासह ११५ कर्मचाऱ्यांना दिलासा दिला.
गुणरत्न सदावर्ते यांनी जामिनासाठी अर्ज केला होता. त्यानंतर न्यायालयाने हा निर्णय दिला आहे.मराठा आरक्षणाबाबत वादग्रस्त वक्तव्य केल्याप्रकरणी त्यांच्यावर कोल्हापूर पोलीस ठाण्यात गुन्हा दाखल करण्यात आला होता. त्यांना कोल्हापूर पोलिसांनी मुंबई पोलिसांकडून ताब्यात घेतले.
गुणरत्न सदावर्ते यांनी यापूर्वी मुंबई सत्र न्यायालयात जामिनासाठी अर्ज केला होता. त्यांना आणि अन्य 115 एसटी कर्मचाऱ्यांना आता जामीन मंजूर झाला आहे. ते कोल्हापूर पोलिसांच्या ताब्यात असल्यामुळे जामीन मिळूनही त्याची सुटका झालेली नाही.
कोल्हापुरातील शाहूपुरी येथे मराठा समाजावर जातीय द्वेष निर्माण केल्याचा गुन्हा दाखल करण्यात आला आहे. यापूर्वी अकोट पोलिसांनीही सदावर्ते यांना ताब्यात घेण्याची मागणी केली होती. 22 एप्रिल रोजी सुनावणी होणार असल्यामुळे हे प्रकरण ताब्यात घेण्याची विनंती त्यांनी मुंबई गिरगाव न्यायालयाला केली आहे.
सदावर्ते यांच्या घराच्या छतावर लावण्यात आलेले सीसीटीव्ही फुटेज समोर आले आहे. तेथे बैठक होण्याची शक्यता आहे. शरद पवार यांच्या घरावर हल्ला होण्यापूर्वीचे फुटेज पोलिसांनी ताब्यात घेतले आहे. तपास सुरू आहे.
सदावर्तेवर सोलापूरपाठोपाठ मुंबई, सातारा, कोल्हापूर आणि अकोला येथे गुन्हे दाखल आहेत. कोल्हापुरातील शाहूपुरी पोलिस ठाण्यात दोन समाजात तेढ निर्माण केल्याप्रकरणी सदावर्ते यांच्याविरुद्ध कलम १५३ (अ) अन्वये गुन्हा दाखल करण्यात आला आहे.