अफझल खान कबर प्रकरणाचा वाद सुप्रीम कोर्टात ; सरकारच्या कारवाईविरोधात याचिका दाखल…..
पॉलिटिक्स स्पेशल लाईव्ह
नवी दिल्ली :- तापगडच्या पायथ्याशी असलेली अफझल खानची कबर चर्चेत आलीय.
प्रतापगडच्या पायथ्याशी असलेली अफझल खानची कबर चर्चेत आलीय. गुरुवारी या कबरीच्या परिसरात असलेल्या अतिक्रमणावर कारवाई करण्यात आली होती.
त्यानंतर आता आज याच कारवाईप्रकरणी सुप्रीम कोर्टात महत्त्वपूर्ण सुनावणी पार पडणार आहे. या सुनावणीकडं संपूर्ण राज्याचं लक्ष लागलंय.
अफझल खान स्मारक समितीच्या वतीनं अॅड. निजाम पाशा यांनी सुप्रीम कोर्टात (Supreme Court) गुरूवारी याचिका दाखल केली. सरन्यायाधिशांच्या घटनापीठासमोर हे प्रकरण आलं. कबरीसमोरील अनधिकृत बांधकाम पाडताना स्मारकला कोणताही धक्का लागणार याची काळजी घ्यावी, असं आदेश द्यावेत अशी मागणी त्यांनी याचिकेत केली होती.
परंतु, खंडपीठानं गुरूवारी कोणताही आदेश आता देण्याऐवजी या संदर्भात आम्ही सविस्तर शुक्रवारी सुनावणी करू, असं म्हटलं होतं. त्यामुळं आज नेमकं काय होतं हे पाहणं महत्त्वाचं ठरणार आहे. स्थानिक प्रशासनाला अफझल खानाच्या कबरीच्या परिसरात असलेलं अतिक्रमण हटवण्याचे आदेश हाय कोर्टानं दिले होते. त्याआधी हा वाद प्रचंड पेटला होता. काहींनी अफझल खान यांची कबरच हटवली जावी, अशी मागणी केली होती. तर, काहींनी अतिक्रमण विरोधी कारवाईचा आदेशच योग्य असल्याचं मत व्यक्त केलं होतं. दरम्यान, यावरुन आता राजकारण तापलंय. अशातच सुप्रीम कोर्टात आज पार पडणाऱ्या सुनावणीलाही महत्त्व प्राप्त झालंय.